Ukraina prezidenti Petro Poroşenko «serbest dünya halqlarına birleşip, Rusiye tecavuzcısına qarşı çıqmağa» muracaat etti.
Ekinci cian cenki bitmesiniñ 70 yıllığına bağışlanğan muracaatında Poroşenko «Rusiye istilâsı bütün medeniy dünya, onıñ havfsızlığı ve stabilligine telükeli» olğanını qayd etti. Poroşenko dey ki, Rusiyeni «70 yıl evelsi olğanı kibi, yalıñız birlikte» toqtatmağa mümkün. Ukraina prezidenti Qırım işğali ile «utanmazca taptalğan» halqara uquqqa işançnı qaytarmağa çağırdı.
Kiyev ve Ğarp memleketleri Rusiyeni Ukraina şarqında separatistlerge qol tutqanında qabaatlay. Moskva qabaatını tanımay.
