Qırımnıñ Yedi Quyu rayonı Davut Eli (Marfovka) köy şurasınıñ reisi yerli bücette aqça olmağanına şikâyet ete, dep bildire Qırım.Aqiqat.
«Bücet boş, çünki aqça kelmey. De bunı ödemeyler, de onı. Al-azırda iç te aqçamız yoq. Aylıqnı ödemek içün zornen aqça toplaymız», – dey o.
Onıñ sözlerine köre, köy şurasınıñ 18 biñ gektar toprağı bar, olardan 5 biñ – Rusiye arbiyleri yerleşken «Opuk» poligonındadır.
Şimdi yerli akimiyet köy şurasına kirgen meskün yerlerniñ abadanlaştıruvını al etip olamay. Yerli memurlarnıñ aytqanı kibi, memuriyetiniñ yekâne vekâletleri şimdi – olğan şeylerni qırsızlamağa imkân bermemektir.
Qırımnıñ rusiyeli akimiyetiniñ maliye naziri Vladimir Levandovskiy aytqanı kibi, 2016 senesi büceti 25-26 mlrd rubleni teşkil ete.
