Link açıqlığı

Acele islâatlar ve devlet strategiyası Ukrainağa Qırımnı qaytarmağa yardım eter – Gürcistan siyasetçisi


Gürcistan parlamentiniñ azası, Gürcistan prezidenti memuriyetiniñ içki siyaset ve regional inkişaf departameniñ sabıq başı, «Serbest zona» milliy areketiniñ tesisçisi Koba Habazi dey ki, Ukrainağa Qırımnıñ qaytarılması içün areket strategiyası ve acele islâatlar kerektir.

Bunı o Qırım.Aqiqat muhbirine bildirdi.

«Meseleni acele sürette al etmege kerek, Ukrainanıñ qocaman resursları bar, ve, teessüf ki, şimdi ğayret esasen arbiy areketlerge yönelgеn, amma, Ukraina diqqatını memleketniñ islâatlandıruvına ayırsa, menimce, yıl soñra acayip bir memleketiñiz olur, bunı sizge tilemege isteyim. İnanam ki, bunı yapıp olursıñız», – dedi gürci siyasetçisi.

Onıñ fikrine köre, Rusiye tarafından işğal etilgen Qırımdan köçip kelgenlerniñ meselelerini devlet areketleriniñ muayyen strategiyası al etmege imkân berir.

«Devletniñ strategiyası olmasa, köçip kelgen şahıslarnıñ meseleleri çezilemez. Bundan soñ areket planı işlep çıqarılmalı, oña köre iş alıp barılacaqtır», – qayd etti Koba Habazi.

Qırım.Aqiqat bildirgeni kibi, Kiyevde köçip kelgenlerge yardım kösterüv boyunca halqara konferentsiya keçirile.

XS
SM
MD
LG