Rusiye Yuqarı mahkemesi çarşenbe künü, sentâbr 2-de, Ukraina Yuqarı Radası deputatı, qırımtatarlarnıñ milliy yetekçisi Mustafa Cemilevniñ oğlu Hayserniñ ükümne şikâyetni baqmalı.
Bunı Hayser Cemilevniñ advokatı Nikolay Polozov bildirdi.
Şikâyet arizasında imayesi ükümni lâğu etmek, işni toqtatmağa rica ete. Hayser mahkeme toplaşuvında video bağı vastasınen iştirak etecektir.
Hayser Cemilevni 2013 senesi mayıs 27-de onıñ Bağçasaraydaki evinde yaqaladılar. Anda 44 yaşında Fevzi Edemov öldürilgen edi. Militsiya Cinaiy kodeksniñ 115-inci maddesiniñ 1-inci qısmı boyunca (planlaştırılğan öldürüv) cinaiy iş açtı.
Aqmescitniñ Kiyev rayon mahkemesi Hayser Cemilevni apiske aldı. Qırım işğalinden soñ taqiqat organları bu işni ğayrıdan taqiq etmege qarar berdiler. Hayserni Qırım SİZOsından Krasnodar ülkesine alıp kettiler.
