Aqmescitte II Yekaterinağa abideniñ tiklenmesi bir 100 mln ruble turacaqtır. Bunı RİA Novosti agentligine Rusiye Federal toplaşuvı Federatsiya Şurasında Qırım Devlet şurasınıñ temsilcisi Sergey Tsekov bildirdi.
«Şimdilik abide qoyulmasınıñ maliyeviy ceeti al etile. Bu tahminen 100 mln ruble turacaqtır. Abideniñ ne vaqıt qoyulacağını aytmağa zor», – dey senator.
Onıñ sözlerine köre, şimdi mezkür işke başlaycaq eykelcilerniñ yarışına azırlıq ketmekte.
«Yekaterina abidesini tiklemege istegen eykelcilerniñ sayısı ğayet büyüktir. Olarnıñ arasında belli adlar da bar. Abideniñ tiklenmesi ile oğraşmağa istegen insanlar o qadar çoq olğanı quvandıra», – dey Tsekov.
Aqmescitte II Yekaterinağa abideniñ tiklenmesine aqça toplağan Vasiliy Velikiy adına fondunıñ malümatına köre, şimdilik 10 mln 560 biñ ruble cıyılğandır.
