Link açıqlığı

Saatnıñ esas haberi

Bağçasarayda talebeler Birinci çañ bayramına tamğa ve qırımtatar fesleri ile kelgenler


Qırımtatar ve rus tilli oqutuvı ile Bağçasaray umumtasil mektebiniñ birinci sınıfına bu sene 70 bala kirdi. Birinci sınıf talebeleri tedbirge qırımtatar timsalleri ile kelgenler. Umumen mektepte 480 insan oquy.

Bağçasaray mektebinde birinci çañ bayramı (video)
Bekleñiz, lütfen

No media source currently available

0:00 0:00:56 0:00

Mektepte Bilgi künü munasebeti ile tantanalı tedbir teşkil etildi. Mında bir qaç yüz insan toplandı. Bu sene mektepniñ 70 birinci sınıf talebesi bar.

Birinci sınıf talebeleri tedbirge tamğalı kök boyunbağları ile kelgenler. Qızçıqlar qırımtatar milliy feslerini kiygenler.

Tedbir başlanuvında üç gimn yanğıradı: Rusiye, Qırım ve qırımtatar. Bunıñ ile soñkisi yanğırağanda, bulunğnalarnıñ çoqusı yırlay edi.

Bundan soñ musafirlerge Qırımnıñ rusiyeli başı Sergey Aksenovnıñ ve Qırım Delvet Şurasınıñ başı Vladimir Konstantinovnıñ hayırlav sözlerini oqudılar. Mektep yolbaşçılığı oca ve talebelerni fahriy yarlıqlar ile taqdirledi. Tedbirni timsaliy birinci çañ ve üç gimniñ icrası ile yekünlediler.

Tedbirniñ soñunda birinci sınıf talebeleri öz birinci dersine kirdiler. Diger seyircilerni Amerika mültfilm ve filmlerniñ qaramanları eglendirdi. Şu sırada, «Minyon» ve «Spider-Man».

Birinci sınıfqa Qırımda 18 461 bala baracaq, 11-inci sınıfqa – tahminen 11 biñ bala.

Evel tasil naziri Natalya Gonçarova yarımada mekteplerine bu sene qırımtatar tilinde yazılğan dersliklerniñ berilmeycegi aqqında bildirgen edi.

«Maarif» qırımtatar tasil hadimleriniñ birligi 2015-2016 oquv yılları arfesinde Qırımnıñ rusiyeli başı Sergey Aksenovğa yarımadada qırımtatar tilinde tasil meseleleriniñ çezilmesinde muayyen qararlarnı almaq teklifi ile muracaat etti.

Bundan evel Qırımtatar Milliy Meclisiniñ temsilcileri ve cemaatçılar, Qırım Rusiye nezareti altına keçkenden soñ, yarımadada devlet tilleriniñ ögrenilmesine ayırılğan saatlerniñ teñ olmağanı aqta bildirgen ediler.

XS
SM
MD
LG