ATR qırımtatar telekanalınıñ baş müdiri muavini Ayder Mujdabayev dey ki, Rusiye tarafından işğal etilgen Qırımda sentâbr 1 künü işke başlağan «Millet» qırımtatar telekanalı qırımtatarlar arasında destekke nail olmaycaq.
Bunı o Qırım.Aqiqatqa bildirdi.
«Men olarğa qulaq asmayım, kimse asmay, olar başqa zenaat temsilcileri, bizge alâqaları yoq. Bu – Aqmescit civarında bir çöplük obası kibi. Olar özlerini endi kösterdiler. Açılıştan evel başından soñunace yalancı haberlerni kösterdiler, şunıñ içün qıymeti de belli, qırımtatarlar, elbette ki, bu kibi çöplükke barmaycaqlar», – dey Mujdabayev.
Qırım.Aqiqat bildirgeni kibi, Qırımda salı künü, sentâbr 1-de, «Millet» cemaat qırımtatar teleradiokompaniyası işke başladı.
ATR qırımtatar telekanalı 2015 senesi aprel 1-den Qırımda işini toqtatmağa mecbur edi. 2015 senesi iyün 18-den kanal Kiyevde işlemege başladı.
