Link açıqlığı

Ukraina İçki işler Nazirligi avgust 31-de Rada yanında yaqalanğan 13 insannıñ azat etilgenini bildire


Uquq qoruyıcılar avgust 31-de Kiyevde Yuqarı Rada binası yanında olıp keçken adise neticesinde yaqalanğan 13 insannı azat etti.

Bunı Ukraina içki işler naziriniñ mesleatçısı Şkirâk ve nazirlikniñ matbuat kâtibi Artem Şevçenko bildirdiler.

18 kişi apiste qala.

«Olardan ekisi İçki işler nazirliginiñ «Siç» batalyonınıñ askerleri, birisi uquq qoruyıcılarğa qarşı arbiy granata qullanuvında şeklene. Ekisi de yaqında işten boşav aqqında ariza yazğan edi», – dep bildirdi Şkirâk.

İİN matbuat kâtibi Artem Şevçenkonıñ malümatına köre, 141 insan yaralı, olardan 131 kişi militsiya hadimi ve gvardiya askeri. 10 insan ağır alda buluna.

Avgust 31-de Ukraina Yuqarı Radası Anayasağa detsentralizatsiya ile bağlı deñişmelerge birinci oquvda qoltuttı.

Parlament binası yanında yüz bergen çatışma vaqtında numayışçılar tarafından uquq qoruyıcılarğa arbiy granata atıldı. Neticede, bir asker can berdi.

Ukraina prezidenti Petro Poroşenko buña Ukrainağa qarşı bir aktsiya aytıp, teşkilâtçılar cezasını almaq kerek, dep qayd etti.

XS
SM
MD
LG