Link açıqlığı

Zaporojyeniñ Lenin rayonında avgust 31 künü erkek evniñ ekinci qatından beş yaşında olğan qızını attı, dep bildireler Zaporojye vilâyetinde Ukraina İçki işler nazirliginiñ baş idaresinde.

Malümatqa köre, beş yaşında qızçıq hastahanege beden yaraları ile ketirildi.

«Militsiya hadimleri belgilegeni kibi, 1982 senesi doğğan balanıñ babası sarhoş alda olıp, öz balasını evniñ ekinci qatı penceresinden attı. Vatandaşnı ruhiy hastalar içün hastahanege yolladılar», – haber etile militsiya beyanatında.

TRK Ukraina bildirgeni kibi, erkek Rusiye tarafından işğal etilgen Qırımdan köçip kelgen. Balanı qavğa vaqtında attı. Telekanalnıñ malümatına köre, qoranta işğal etilgen Qırımdan yıl evelsi köçip keldi. Zaporojyede balanıñ bitası yaşay, onıñ aytqanı kibi, erkek alâ daa stressni yaşay, onıñ içün özüni tutıp olamadı. Balanıñ anası ise endi onı baba aqlarından marum qaldırmağa istey.

XS
SM
MD
LG