Link açıqlığı

Adliyeci: Aqmescitte ukrain batalyonı komandanınıñ anasınıñ evinde tintüv keçirile


Stanislav Krasnov

Qırımda mahkeme etilgen Euromaydan faali Aleksandr Kostenkonıñ adliyecisi Dmitriy Sotnikov bildire ki, sentâbr 1-de saba Aqmescitte «Qırım» ukrain batalyonınıñ komandanı Stanislav Krasnovnıñ anasınıñ dairesinde tintüv başlandı.

«Aqmescitniñ Kiyev rayonı mahkemesiniñ reisi Dolgopolov A.N. tintüv keçirmek qararını çıqardı. Şaatlarnı tabiiy ki yanına alıp keldiler», – dep yazdı o Facebookta.

Onıñ malümatına köre, tintüvge 12 insan keldi. Sotnikovnıñ bildirgenine köre, Stanislav Krasnovnıñ anası 69 yaşında, olardan 40 yılnı o Qırımdaki Halqara Qızıl Haçqa bağışladı.

«Yüksek dereceli emşire, tibbiyet saasında bir sıra mukâfatı bar», – dep yazdı adliyeci.

Qırımnıñ uquq qoruyıcı organları bu malümanı izaatlamaylar.

Qırım.Aqiqat yazğanı kibi, iyün başında Qırımda Rusiye Taqiqat komitetiniñ taqiqatçıları Stanislav Krasnovğa qarşı cinaiy iş açtılar. Onı ekstremizm ve «Pravıy sektor» teşkilâtı ile alâqalarında şekleyler.

Batalyon komandanı Rusiye Ceza kodeksiniñ 282-nci maddesiniñ 1-inci qısmında (kütleviy haber vastalarını qullanıp, içtimaiy gruppağa munasebetlerde nefret ve davanı çıqaruv) qayd etilgen cinayet yapılmasında şekleyler.

Qırımdaki FSB hadimleri «Qırım» batalyonı komandanınıñ anasına yarımadanı terk etmege yasaq ettiler. Federal havfsızlıq hızmetinde keçirilgen sorğudan soñ ondan Qırımdan çıqmaycağını tasdıqlağan vesiqanı aldılar. Krasnovnıñ aytqanına köre, anası tükândan çıqqanda yaqalanğan edi.

XS
SM
MD
LG