Qırımtatar Milliy Meclisi sentâbr 1-de talebe ve studentlerni, olarnıñ ana-baba ve ocalarını Bilgi künü ve oquv yılınıñ başlanması ile tebrikley.
«Yañı nesilge büyük ümütler bağlaymız, aqıllı ve ikmetli gençler – qırımtatar halqınıñ kelecegidir. Eminmiz, balalarımız Qırımnıñ vatanperverleri olıp, acayip vatanını yaraştıracaqlar. Kelecegiñizniñ bahtlı, parlaq olmasını tileymiz!», – dep aytıla Meclis matbuat hızmetiniñ hayırlav ilânında.
Belli olğanı kibi, Qırımnıñ mektep talebelerine yañı oquv yılınıñ birinci dersinde GTO («Emek ve imayege azırım») areketi aqqında tarif etecekler.
Bu sene Qırımda 18 641 bala birinci sınıfqa, aman-aman 11 biñ bala ise 11-inci sınıfqa baracaq.
GTO – «SSCB Emek ve imayege azırım» – SSCB tasil ve sport müessiselerinde beden terbiyesi programması, gençlerge vatanperver terbiyesini bergen devlet tarafından desteklengen yekâne sistemadır.
