II Yekaterina abidesiniñ qoyulmasına bir 40 million ruble toplanıldı, haber ete «Rusiye birligi» cemaat teşkilâtınıñ yolbaşçısı Yelena Aksenova, bildire TASS.
Onıñ sözlerine köre, abideniñ açıluvı bir yıldan planlaştırıla.
«Abide 1890 senesi Aqmescitte Qırımnıñ Rusiyege qoşuluvınıñ 100 yıllığına tiklengen edi, amma 1919 senesi inqilâptan soñ, onı tam yıqqan ediler. Abideni bugüngece saqlanılğan resimlerge köre tikleycekler», – dey Aksenova.
Onıñ sözlerine köre, leyhanıñ amelge keçirilmesine 60-120 million ruble kerektir. Paranı biznes, siyaset, medeniyet erbapları, cemaat teşkilâtları, vatandaşlar iane eteler
Qırım.Aqiqat yazğanı kibi, 2015 senesi mart ayında Aqmescitte, Tavrida merkeziy müzeyinde II Yekaterinağa qoyulacaq abideniñ maketini köstergen ediler.
