«Obrazovaniye dlâ Krıma» internet leyhası 2015 senesi sentâbr 1-den Ukraina aliy oquv yurtlarına kirmege istegen qırımlılar içün ukrain tili ve edebiyatı boyunca azırlıq kurslarına yazıluvnı ilân ete.
«Obrazovaniye dlâ Krıma» saytında bildirilgeni kibi, kurslar çerçivesinde online şekilde bedava mesleatlarnı almağa mümkün olur. Ögretüv bedavadır ve qırımlılarğa, em de Qırımdan köçip kelgenlerge imtianlarğa azırlanmağa imkân berir.
Kurslar içün azırlanılğan malümatnı er istegen insan qullana bile. Ögretüv yılnıñ soñunda qoşulğanlarğa sertifikatlar berilecek.
Kurslarğa 2015 senesi sentâbr 1-den yazılmağa mümkün.
