Qırımda uquq qoruyıcılar Aqmescit rayonı eki sakini – Memet Selimov ve Osman İbragimovnıñ öldürüvinde şeklengen 31 yaşında erkekni yaqaladılar.
«Qıdıruv tebirlerniñ keçirilmesi neticesinde uquq qoruyıcılar öz qabaatını tanığan 31 yaşında erkekni yaqaladılar. Olğan malümatqa köre, cinayet turmuş sebebi negizinde yapıldı», – dep bildire Rusiye İçki işler nazirliginiñ Qırım idaresiniñ matbut hızmeti.
Matbuat hızmetinde deyler ki, qırımtatarlarnıñ cesetleri Aqmescit rayonı qasabalarınıñ birinde tapıldı. Şeklengen şahısqa nisbeten Rusiyeniñ Qırım boyunca Taqiqat komiteti Rusiye Federatsiyasınıñ Cinaiy kodeksiniñ 105 maddesi 2 qısmı — öldürüv boyunca cinaiy işni açtı.
Bildirilgeni kibi, 1986 senesi doğma Memet Selimov ve 1988 senesi doğğan Osman İbragimovnıñ belgisiz şahıslar tarafından Aqmescit civarıda tutulması mümkün edi.
Qırım işğalinden soñ yarımadada bir qç qrımtatarı belgisiz ğayıp oldı. Qırımda taqiqat komiteti cinaiy işlerni açsa bile, bu insanlarnıñ bulunuv yerleri aqqında alâ daa malümat yoq.
