Romaniyanıñ Kötence şeerinde Romaniya qırımtatarlarınıñ medeniyet festivali keçti. Bunı Qırımtatar Milliy meclisiniñ reisi Refat Çubarov bildire.
«Köstencede (Romaniya) eki künlük iş ziyareti ile bulunam. Mında bu künleri Romaniya qırımtatarlarınıñ adetiy er yıllıq medeniyet festivali keçe»,– dep bildirdi cumaertesi künü Çubarov.
O, bazar künü, avgust 30-da, Bütündünya qırımtatar kongressinni icraiy komitetinin birinci toplaşuvı keçirilecegi aqqında bildirdi.
Bildirilgeni kibi, Türkiyeniñ paytahtı Ankarada keçirilgen II Bütündünya qırımtatar kongressi avgustnıñ başında ötkerildi.
