Link açıqlığı

Bütündünya ukrain kongressi dünyanı Sentsov ve Kоlçenkonıñ azatlığını talap etmege çağırdı


Bütündünya ukrain kongressi halqara toplulıqnı Rusiyeden ukrain rejissörı Оleg Sentsov ve faalli Aleksandr Kolçenkonıñ azat etilmesini talap etmege çağırdı, kongress iştirakçileriniñ fikrine köre, olarnıñ apiste bulunuvı – qanunsızdır.

Bütündünya ukrain kongressi «Rusiye akimiyet strukturalarınıñ tsinik ükmü sebebinden çorlana», denile muracaatta. Sentsov ve Kolçenko Rusiye apishanesinde 2014 senesi mayıs ayından «siyasiy qabaat boyunca» buluna, deyler teşkilâtta.

Bundan da ğayrı, Bütündünya ukrain kongressi Yevgeniy Çoliy aytqanı kibi, Rusiye strukturaları acele sürette qanunsızca tutılğan mabüslerni, Minsk añlaşmalarına köre, azat etmeli.

Avgust 25 künü Rusiye mahkemesi Sentsovnı 20 yılğa apiske aldı. Faali Aleksandr Kоlçenkonı – 10 yılğa. Olarnı Qırımda teraktlarnıñ teşkil etilmesinde qabaatlaylar. Olar öz işlerini siyasiy adlap, qabaatlarnı tanımaylar.

XS
SM
MD
LG