Qırımda oquv yılınıñ başlanmasından evel Rusiye Federatsiyasınıñ işğal etilgen Qırım ile haritaları satılmağa başlandı. Bu kibi ilânnı yarımadada kantselâriya tükânları asmaqta, – haber ete Qırım.Aqiqat.
İşbu ilânlar ile fotolarnı qırmlılar içtimaiy ağlarda paylaşa, em de «yañı devir» haritalarınıñ reklaması aynı sentâbr 1 künü arfesinde peyda olğanını qayd eteler.
2014 senesi fevralniñ soñunda martnıñ başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.
2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.
