Link açıqlığı

Zatoka qasabasında avgust 28 künü «Jazz Koktebel» festivaliniñ kündüz sanası açıldı. Onı qırımtatar jazz çalğıcısı Üsein Bekirovnıñ taqımı açtı. Bunı Qırım.Aqiqatnıñ mühbiri bildire.

Çıqıştan soñ Bekirov aytqanı kibi, «Jazz Koktebel» onıñ içün pek emiyetlidir, çünki işbu festival vatanında teşkil etildi.

«Bu kibi festivallerniñ sayısı çoqça olsun da ve ukrain çalğıcılarına çıqışta bulunmağa imkân bersinler. Zaman qıyın olğanına baqmadan, insanlarğa medeniyet kerektir, maneviy ceetten raatlanmaq kerek», – dedi Bekirov Qırım.Aqiqatqa.

Seyirciler artistni hoş sürette qarşıladı ve kontsertniñ soñunda kene çıqışta bulunmasını rica etkenler.

2003-2013 seneleri Qırımnıñ Kоktebel qasabasında er yıllıq «Jazz Koktebel» festivali keçirile edi. 2014 senesi teşkilâtçıları, Qırım Rusiye tarafından işğal etilgeninden soñ, tedbirni Odessa vilâyeti Zatoka qasabasına keçirmege qarar aldılar. Bu sene o kene şu yerde avgust 23-30 künleri keçe.

XS
SM
MD
LG