Link açıqlığı

Belli qırımtatar gitara çalğıcısı Enver İzmaylov işğal etilgen Qırımda «Rossiya segodnâ» agentliginiñ başı Dmitriy Kiselev tarafından teşkil etilgen «Koktebel Jazz Party» jazz festivalinde iştirak etmeycek.

Bunı Kiselevnıñ özü Qırımda avgust 28 künü keçirilgen matbuat konferentsiyasında bildirdi, haber ete «Krım.Media».

Onıñ sözlerine köre, çalğıcı hastalanğanı ve aq ciger yanğısına şübe olğanını bildirdip, sms beyanatını yollağandır.

«Teessüf ki, bu sene Enver İzmaylovnıñ iştiraki olmaycaq», – dey Kiselev.

Bildirilgeni kibi, Ukraina Medeniyet nazirligi Qırımda «Rossiya segodnâ» agentliginiñ başı Dmitriy Kiselev tarafından teşkil etilgen «Koktebel Jazz Party» jazz festivalinde iştirak etecek bütün ecnebiy çalğıcılarnı sanktsiyalar ile qorquzdı. Böyle telüke qırımtatar medeniyetiniñ belli erbabı Enver İzmaylovğa da ait edi, amma bir qaç künden soñ İzmaylovnıñ soyadı işbu cedvelden yoq oldı.

«Rossiya segodnâ» baş müdiri Dmitriy Kiselev işğal etilgen yarımadada avgust 28-30 künleri «Koktebel Jazz Party» festivalini keçire.

XS
SM
MD
LG