Kiyevniñ «Jovten» kinoteatrinde «Metsenat kreslosı» kinoteatrniñ ğayrıdan tiklev leyhası çerçivesinde Rusiyede 20 yıllıq apiske maküm etilgen ukrain rejissörı Оleg Sentsovğa adı ile levhaçıqnı qoyacaqlar.
Bu aqta «Jovtenni qurtar» cemaat teşkilâtı bildire.
«Jovten»niñ kinorejissör Sentsovnıñ yañı eserlerini daa kösterecegine inanamız», – dey aktsiya teşebbüsçisi, cemaat teşkilâtınıñ koordinatorı Sergey Şçelkunov.
Teşkilâtta şunı da bildireler ki, «Jovten» kinoteatriniñ müdiri Lüdmila Gоrdeladzeniñ işandırğanı kibi, istilâcı-devletni temsil etken filmlerni «Jovten» ekranlarında köstermeycekler.
Avgust 25 künü Rusiye mahkemesi Sentsovnı 20 yılğa apiske aldı. Faali Aleksandr Kоlçenkonı – 10 yılğa. Olarnı Qırımda teraktlarnıñ teşkil etilmesinde qabaatlaylar. Olar öz işlerini siyasiy adlap, qabaatlarnı tanımaylar.
