Rusiyede talebeni mektepke azırlamaq içün bir 20 biñ ruble masraf emtege kerek. Bu meblâğ, 2014 senesine köre, 47% arttı, haber ete Bütünrusiye cemaat fikrini ögrenüv merkezi.
Böylece, 2015 senesi balanı mektepke azırlamaq içün, ana-babalarınıñ aytqanı kibi, 2014 senesinden 1,5 qat çoq para masraf etmege kerek: 13,628 ruble olsa, şimdi 20,026 ruble.
«Mektepke azırlıq o qadar paalığa daa iç bir vaqıt tüşmegen edi. Bıtlırğa köre, masraf 47% arttı, 2005 senesine – 225%», – deyler hızmette.
Yüksek allı ve aliy tasili olğan insanlarnıñ masrafları daa da büyük: 22,858 rub ve 21,452 rub.
Yazı taqımlarına masarflar 1 biñ 275 rubleden – 2 biñ 277 rublege arttı. «Mektep ihtiyacı» maddesi (sınıflarnıñ tehnik donatması, qoruv ve ilâhre) azca arttı: bu sene buña 1 biñ 770 ruble ayırıla, bıtlır – 1 biñ 321 ruble.
Mektep kiyimine masraf etilgen para miqdarı kene de büyüktir: bıltır 4,709 ruble olsa, bu sene – 7,191 ruble.
Bütünrusiye soravı 2015 senesi avgust 22-23 künleri keçirildi. Rusiyeniñ 46 vilâyet, diyar ve cumhuriyetleriniñ 132 meskün yerinde 1600 insan soravdan keçti.
Evel Qırım.Aqiqat bildirgeni kibi, Qırımda balanı mektepke azırlamaq içün 8-25 biñ ruble kerek. Müşterilerniñ aytqanı kibi, yıl devamında yazma aletleriniñ ve mektep kiyimi fiyatları bayağı paalılaştı.
