Link açıqlığı

Qırımda çalışqan ukrain jurnalistlerine bedava uquqiq yardımnı teklif eteler


«İnternews-Ukraina» cemaat teşkilâtı, «Europeum» Avropa siyaseti institutı (Praga, Çehiya) ve Çehiya Tış işler nazirliginiñ «Transition» programması Qırımda çalışqan ukrain jurnalistlerine PRAVOSMI.NET uquqiy mesleat platformasını teşkil ettiler

«Bugünki siyasiy vaziyette Qırım jurnalistleri yañı uquqiy şaraitlerde çalışmağa mecbur, çünki Rusiyeniñ media uquğı ukrain soyundan farq ete. Yani, ukrain jurnalistleri endi Qırımıñ yañı media-uquqiy alanında telükesiz çalışa bilecek», – dep bildire «İnternews-Ukraina».

Jurnalistlerge suallareni, online formanı toldurıp, er angi vaqıtta yollamağa teklif eteler, er çarşenbe künü saat 15:00-17:00 (Moskva vaqtına köre) pravosmi.net adliyecisi suallerge cevap berecektir. Qıyın suallerge cevap elektron poçtağa 48 saat içinde kelecektir.

Rusiye media qanunlarınıñ matbuat vastalarına tesiri aqqında akutal malümatnı pravosmi.net/blog.php blogunda tapmaq mümkün.

ATR qırımtatar telekanalı 2015 senesi aprel 1-den Qırımda işini toqtatmağa mecbur edi. 2015 senesi iyün 17-den kanal Kiyevde işlemege başladı.

XS
SM
MD
LG