Link açıqlığı

Bağçasaray akimiyeti ima etti: vaqıt deñişti, slav adını almaq mümkün


Bağçasaraynıñ Rusiye memuriyeti öz saytında adnı, «belki de taqdirni» nasıl deñiştirmek mümkün olğanı aqqında ZAGS hadimleriniñ izaatını bastırdılar.

«Zaman ve ahlâq deñişti, balanıñ adı endi o qadar hoş kelmese, ana-babasınıñ er şeyni deñiştirmege imkânı bar», – denile beyanatta.

Bunıñ ile memuriyette Rusiye Federatsiyasınıñ çağına yetken er bir insannıñ adnı deñiştirmege aqqını teminlegen Anayasasına tayanalar.

Beyanatta bildirilgeni kibi, tek adnı degil de, soyadını ve baba adını da deñiştirmege mümkün.

Bunıñ ile beyanatta nasıl bir adnı saylamaq kibi tevsiyeler berile. Amma cedvelde tek slav adları yazılğan: Yelena, Natalya, Tatyana, İrina, Nikolay, Mihail, İvan, Aleksandr.

Malüm ki, Bağçasarayda yaşağan qırımtatarlarnıñ sayısı büyüktir. Rusiye Qırımnı işğal etkeninden evel şeerde yarımadağa kirişi yasaqlanğan qırımtatarlarnıñ yetekçisi Mustafa Cemilev yaşay edi. Şimdilik Bağçasaray Meclisiniñ başı Ahtem Çiygoz «fevral 26» işi boyunca SİZOda buluna.

XS
SM
MD
LG