Link açıqlığı

Saatnıñ esas haberi

Cemilev: ukrain ükümetine Qırım boyunca baş nazir muavini kerektir


Cemilev Qırım boyunca Nazirler kabineti vekâletlisiniñ tayinlevi aqqında (video)
Bekleñiz, lütfen

No media source currently available

0:00 0:02:02 0:00

Cemilev Qırım boyunca Nazirler kabineti vekâletlisiniñ tayinlevi aqqında (video)

Qırımtatarlarnıñ milliy yetekçisi, Ukraina prezidentiniñ qırımtatar halqınıñ işlerinden vekâletlisi Mustafa Cemilev dey ki, Ukraina Nazirler kabinetinde Qırım meselelerinden Devlet hızmetiniñ olması yeterli degildir, baş nazir muavini vekâletleri ile nazirniñ olması lâzimdir.

Bunı o Qırım.Aqiqatqa bildirdi.

«Fikrimizge köre, daa da ciddiy bir vazife olmalı. Misal içün, Qırım ve işğal etilgen territoriya işlerinden nazir, amma o aynı zamanda baş nazir muavini de olmalı, çünki sade bir nazir yeterli olmaz», – dedi Cemilev ve bu aqta muzakereler devam etecegini bildirdi.

Keçken afta Ukraina Nazirler kabinetinde QMC ve Aqyar meseleleri boyunca vekâletli şahıs vazifesi peyda oldı, onı evel Qırım meselelerinden Devlet hızmetiniñ başı olğan Aslan Ömer Kırımlı eda etecek. Onıñ yerine Kiyevde Qırımtatar cemiyetiniñ reisi Nariman Ustayev keçti.

XS
SM
MD
LG