Qırımtatarlarnıñ milliy yetekçisi, Ukraina prezidentiniñ qırımtatar halqınıñ işlerinden vekâletlisi Mustafa Cemilev Ukraina Nazirler kabineti yanında Qırım meselelerinden vekâletli şahıs vazifesiniñ peyda oluvına ne sebep bergeni aqqında tarif etti.
Qırım.Aqiqatqa bergen izaatında Cemilev şunı ayttı ki, o özü Ukraina baş naziri Arseniy Yatsenükke apparatında Qırım boyunca vekâletli vazifesini teşkil etmek kibi teklifi ile buyurdı, işbu vazifege Aslan Ömer Kırımlı keçti.
«Meclis imayesi altında Şimaliy Amerika, Brükselde ve diger merkezlerde qırımtatarlarnıñ bir qaç bölüginiñ açılması aqta söz kete edi. Biz Yatsenükke Qırım boyunca departamentniñ başı Aslan Kırımlı Şimaliy Amerikadaki bölükniñ başı olacağını ayttıq. Baş nazir o vaqıt bu pek emiyetli olğanını ve Nazirler kabinetine devletten qoşma vekâletlerni bermege kerek olğanını aytqan edi», – dey Cemilev.
Onıñ sözlerine köre, vekâletli Qırım vaziyetini aydınlatacaq ve halqara mahkemelerge davalarnı azırlaycaq.
Keçken afta Ukraina Nazirler kabinetinde QMC ve Aqyar meseleleri boyunca vekâletli şahıs vazifesi peyda oldı, onı evel Qırım meselelerinden Devlet hızmetiniñ başı olğan Aslan Ömer Kırımlı eda etecek. Onıñ yerine Kiyevde Qırımtatar cemiyetiniñ reisi Nariman Ustayev keçti.
