Link açıqlığı

Qırımlı-sabıq ukrain çempionı yunan-roma küreşi boyunca Dünya çempionatında Rusiyege «kümüş»ni qazandı


Rusiye Federatsiyasını temsil etken qırımlı-sabıq ukrain çempionı Emin Seferşayev Sarayevoda kadetler arasında yunan-roma küreşi boyunca Dünya çempionatınıñ finalına keçti, haber ete Qırım.Aqiqat.

Dünya çempionatı saytında bildirilgeni kibi, Emin Seferşayev 50 kg qadar yük kategoriyasında küreşti ve finalda İtalyadan kelgen Giovani Frenige yutquzdı.

Evel Qırım.Aqiqat bildirgeni kibi, Еmin Seferşayev Sırbistanda keçirilgen Avropa birinciliginde Rusiyeni temsil etip, altın medalni elde etken edi.

Emin Seferşayev Qırım işğalinden evel halqara yarışlarda Ukrainanı temsil ete edi. 2013 senesinde Seferşayev yunan-roma küreşi boyunca Dünya ve Avropa çempionatlarında ğalebe qazanğan edi. Bu ğalebeleri tuvğan şeerinde qayd etilgen edi: Keriçte «Altın grifon» şeer reytinginiñ taqdirlev merasiminde 15 yaşında Emin Seferşayev «Yıl insanı» unvanını aldı.

XS
SM
MD
LG