Link açıqlığı

Saatnıñ esas haberi

Kоktebelde memuriyetniñ muvaqqat başı tayinlendi


Kоktebel memuriyetiniñ muvaqqat başı vazifesine Mark Krasnov tayinlenildi, haber ete Kefe memuriyetiniñ yolbaşçısı Dmitriy Şçepetkov.

Qırımnıñ akimiyet tarafdarı Krıminform saytı bildirgeni kibi, Krasnov evel Kefe memuriyetiniñ belediye nezareti bölüginiñ başı muavini edi. Kоktebel qasaba memuriyetiniñ başı vazifelerini avgust 26 künü eda etmege başladı. Bu vazifeni yarışnıñ keçirilmesine qadar eda etecek. Yarış tarihı, istegenlerniñ olmağanı sebebinden, daa belgilenmegen.

«Soñ vaqialar çerçivesinde Kоktbelniñ menfiy bir süreti şekillendi. Şunıñ içün tek menim istegim az, bu vazifeni eda etmege aves etken biri olmalı», — dedi Şçepetkov.

Evel bildirilgeni kibi, avgust 11-de, Kоktebelniñ muvaqqat başı vazifesine Sergey Padükov tayin etildi. Bir afta soñra onı 4 biñ dollar miqdarında qapar alğanında tuttılar.

XS
SM
MD
LG