Link açıqlığı

Aqmescitte apiste bulunğan Qırımtatar Milliy Meclis reisiniñ muavini Ahtem Çiygoz mahkemede aytqanı kibi, qırımtatar halqı, uquq qoruyıcı organları tarafından keçirilgen repressiyalarğa baqmadan, bu yoldan, öz qadrini bilip, keçerler.

«Halq aqları, öz aqları oğrunda küreşmek – insannıñ itibarıdır. Menimce, bugünki prokuror, taqiqatçılar tarafından keçirilgen repressiyalarğa baqmadan, bu yolnı itibar ile keçermiz. Çoq şeyni yaşadıq, bunı da yaşarmız», – dedi Çiygoz Qırımnıñ Yuqarı mahkemesi toplaşuvı vaqtında, dep bildire Qırım.Aqiqat.

Çiygoz «bütün qırımtatarlarnı qorquzmaq olamazlar» dep qayd etken edi.

Qırımtatar Milliy Meclisiniñ reis muavini Ahtem Çiygoz yanvar 29-da yaqalandı. Onı 2015 senesi fevral 19-ğa qadar apiske aldılar, soñra da apis müddetini mayıs 19-ğa qadar arttırdılar. Mayıs 15 künü keçirilgen mahkeme toplaşuvı neticesinde Çiygoznı iyül 29-na qadar apiste qaldırdılar.

Aqmescitniñ Kiyev rayon mahkemesinde iyül 28 künü Rusiye Federatsiyasınıñ Taqiqat komiteti taqiqatçısınıñ Qırımtatar Milliy Meclisi reisiniñ muavini Ahtem Çiygoznıñ apis müddetini uzatmaq aqqında şefaatı boyunca toplaşuv keçti. Mahkeme kene Çiygoznı üç ay ve 21 künge, yani 2015 senesi noyabr 19-na qadar apiste qaldırmağa qarar aldı

Rusiye Qırımnı 2014 senesi mart ayında işğal etti.

XS
SM
MD
LG