Qırımda Puşkin soqağında yerleşken evniñ ögünde yapılğan Rusiye prezidenti Vladimir Putinniñ süretine boya töktiler. Bunı yerli sakinler içtimaiy ağlarda bildire, haber ete Qırım.Aqiqat.
«Aqmescit (Puşkin ve Mayakovskiy soqaqlarınıñ çarpazı). Ay yüzlüge boya septirdiler. Acele yoq etmege kerek oldı. Vata açuvlana», – denile beyanatta.
Симферополь (пересечение Пушкина и Маяковского). Луноликого закидали краской. Пришлось срочно удалять. Вата негодует
Qırım şeerlerinde ressamlar divarlarda Putinniñ portretlerini yapmağa devam ete. Birinci işi Aqmescitte peyda oldı, bundan soñ ressamlar Yaltağa avuştı. Ressamlarnıñ sözlerine köre, olar ev divarlarında resimlerni yapıp, aqça qazanalar. Ve öz «#Bizim» leyhasını evelki proektlerinden qalğan boyalar ile yapa ekenler.
Qaynaqnıñ bildirgenine köre, ressamlar Qırımda Vladimir Putinniñ ziyaretine qadar vatanperver leyhasını azırlamaq içün aselet Moskvadan kelgenler ve olarğa buña aqça ayırılğan edi. Ressamlarnıñ çalışqan er bir şeerinde resim olacaq yerlerni qolaylıqnen şeer memuriyetleri ile al ete ediler.
