Link açıqlığı

Qırımtatar Milliy Meclisiniñ reisi Refat Çubarov Ankarada Qırım musulmanları müftisi Emirali Ablayev ile körüşti. Körüşüvde yarımadada qırımtatarlarğa qarşı repressiyalar şaraitlerinde diniy erbaplarnıñ rolü muzakere etildi.

«Qırım musulmanları müftisi hacı Emirali Ablayevniñ diqqatını qırımtatar halqına ve onıñ vekilleri, Meclis reisiniñ muavini Ahtem Çiygoz, vatandaşlıq cemiyetiniñ faalleri Ali Asanov ve Mustafa Degermencige ayırım yapılğanı, maneviy ve bedeniy terror etilgeni vaqıtta diniy erbaplarnıñ rolüne celp ettim», – yazdı o Facebookta.

Çubarovnıñ sözlerine köre, Qırımdaki adiseler ile bağlı körüşüv közme-köz keçti.

Qırımtatar Milliy Meclisiniñ reisi Türkiyede Qırımtatar Milliy Qurultayınıñ vekili Rustem Ümerov ve Bütündünya qırımtatar kongressiniñ icraiy şurasınıñ azası Lenur İslâmov ile iş ziyareti ile buluna.

XS
SM
MD
LG