Ukrainanıñ Qırım işleri boyunca Devlet hızmetiniñ başı vazifesine tayinlengen Nariman Ustayev dey ki, hızmetniñ esas vazifesi – Rusiye tarafından işğal etilgеn Qırımda yaşağan ukrain vatandaşlarınıñ aqlarını qorçalamaq.
Bu aqta o Qırım.Aqiqatqa bildirdi.
«Qırım ile bağlı meselelerden devlet siyasetiniñ amelge keçirilmesi boyunca devet hızmetiniñ esas vazifeleri – vaqtınca işğal etilgen territoriyada yaşağan Ukraina vatandaşlarınıñ aqlarını qorçalamaqtır».
Ustayev yaqında yapılacaq planları aqqında aytqanda, evelki yolbaşçılıq tarafından belgilengen bir sıra problema üzerinde çalışacağını bildirdi.
«Şimdi başlanılğan şeylerni devam etmek kerek», – dedi o.
Keçken afta Ukraina Nazirler kabineti Qırım Muhtar Cumhuriyeti ve Aqyar meseleleri boyunca vekâletli şahıs vazifesiniñ meydanğa ketirilmesi aqqında avaleni aşkâr etti. Bu vazifege Aslan Ömer Qırımlı keçti.
