Kefede Qırımda Ukrain medeniy merkezi kitaphanesiniñ bölügi açıldı. Merkezniñ faali Veldar Şukurciyev bildirgeni kibi, kitaphane içün birinci kitaplar salı künü, avgust 25-de, yollanıldı.
«Bu vaqia em şeer, em yarımada içün, şübesiz ki, pek emiyetlidir», – yazdı o Facebookta.
Şukurciyevniñ sözlerine köre, Kefede kitaphane bölügini Qırımğa ukrain tilinde kitaplarnı yollağan insanlarnıñ faalligi sayesinde açmağa imkân peyda oldı. Kitaplardan bazıları ekişer kelgeninden sebep, faaller Aqmescitte açılması planlaştırılğan kitaphaneden ğayrı, fillialını da açmağa qarar aldılar.
O, Qırım içün kitaplarnı toplamağa devam etkenlerini bildirdi. Mında «Ukrain kitabınıñ top 100» toplamından kitaplarnı bekleyler ve yañı nushalarnı yollamağa rica eteler.
