Ukraina prezidentiniñ qırımtatar halqınıñ işlerinden vekâletlisi Mustafa Cemilevniñ ofis idarecisi olğan Arsen Jumadilov Odessa vilâyetiniñ Belâyevsk rayonınıñ başı vazifesine tayinlendi.
Bu aqta Ukraina prezidenti Petro Poroşenkonıñ avgust 25 künü devlet başınıñ resmiy saytında aşkâr etilgen avalesinde aytıla.
Jumadilov Odessa vilâyetiniñ rayon başı vazifesine tayinlenecegi aqqında malümat iyül soñunda peyda oldı.
Belâyevsk rayonı – Ukraina Odessa vilâyetiniñ cenübiy-şarqındaki memuriy rayondır.
