Link açıqlığı

«Roskomnadzor» «Vikipediyanıñ» narkotik aqqında maqalesini yasaq etilgen saytlar cedvelinden sildi.

«Mahkeme yasaq etilgen malümat olaraq tanığan maqale deñiştirildi. «Çaras» narkotik maddesi aqqında maqale Rusiye FSKN ekspertleri çıqarğan neticege köre, qanunnı bozmay», – dep aytıla Roskomnadzor saytında.

Nezaret hızmetiniñ haberini «Vikipediya RU» icra müdiri Stas Kozlovskiy Twitterde yerleştirdi.

Avgust 20-de Roskomnadzor entsiklopediyada «Çaras» narkotik maddesi aqqında maqaleni silmege talap etti, çünki Astrahan vilâyetiniñ mahkemesi bu malümatnı yasaq etti. Entsiklopediya reberligi maqale ilmiy tilde yazılğanına esaslanıp, mezkür qararnı yerine ketirmedi.

Avgust 24-te aqşam Roskomnadzor mezkür saifeni yasaq etilgen saytlar cedveline kirsetecegini bildirdi. «Vikipediyada» bildirgenlerine köre, malümatnı berüv protokolınıñ hususiyetlerine köre nezaret organınıñ qararı resursnıñ bütünley blok etilmesiniñ sebebi ola bile.

Avgust 25-te provayderler «Vikipediyanı» blok etmege başladı. Entsiklopediya saifeni nasıl etip açmaq mümkün olğanını aydınlattı.

XS
SM
MD
LG