Youtube ve Facebook Tacikistannıñ bir çoq internet-provayderi tarafından qapatıldı.
Avgust 25-te memleketteki internet-qullanıcıları bildireler, olar saytlarnı yalıñız proxy-serverlerniñ yardımı ile aça bileler.
Tacikistan internet-provayderleri birliginiñ reisi Asomuddin Atoyev Radio Svobodağa bildirgenine köre, internet-hızmetleriniñ bazı provayderleri Devlet bağ hızmetiniñ emri ile saytlarğa kirişni qapattılar.
Tacikistandaki Devlet bağ hızmetinde olğan qaynaqlar bu malümatnı tasdıqlaylar, lâkin sebebini bildirmeyler.
Tacikistan akimiyeti Google, YouTube, Facebook ve diger içtimaiy ağlarnıñ blok etilmesi içün çoqtan tenqitke oğray. Tacikistan ükümetiniñ bu areketleri muhalifetniñ online faaliyeti ve içtimaiy ve siyasiy vaqialar ile aynı vaqıtta ola.
