Link açıqlığı

Almaniya, Frenkistan ve Ukraina yolbaşçıları Savçenko, Sentsovnıñ azat etilmesini muzakere etti ve Minsk añlaşmalarınıñ tarafdarları olğanını bildirdiler


Ukraina, Almaniya ve Frenkistan yolbaşçıları avgust 24-te Berlinde körüşip, Minsk añlaşmalarına tolusınen riayet etilmesine qoltutqanını bildirdiler.

Ukraina prezidenti Petro Poroşenko, Almaniya kantsleri Angela Merkel ve Frenkistan prezidenti François Hollande qayd etkenlerine köre, Minsk añlaşmalarına riayet etilse, Ukraina şarqındaki zıddiyet al etilecek.

Minsk añlaşmalarınıñ eñ müim noqtaları olaraq ateş toqtatılması, ağır silânı çeküv, esirlerni azat etüv ve işğal etilgen topraqlarda ealiniñ gumanitar problemleriniñ al etilmesini qayd etile.

Üçü de bu añlaşmalarnıñ riayet etilmesini nezaret etüvde OSCE rolüni qayd etti. Merkel hatırlattı ki, Ukraina şarqındaki OSCE nezaretçileri serbest kiremeyler, olarnıñ uçucısız apparatları toqtatıla.

Poroşenkonıñ aytqanına köre, muzakerelerniñ iştirakçileri OSCE közeticilerine Rusiye-Ukraina sıñırı nezaret etmegen topraqlarğa kirişini temin etmege añlaştılar, böyle etip işğal etilgen topraqlarğa Rusiye ordusı ve silânıñ kirmesini toqtatacaq olalar.

Bundan ğayrı, körüşüv iştirakçileri Rusiyede bulunğan esirlerge de diqqat ayırdılar – Oleg Sentsov, Nadejda Savçenko ve digerleri.

Prezidentniñ bildirgenine köre, «al-azırda Rusiye ve oña qoltutqan boyevikler, ne yazıq ki, regiondaki barışıq ve istiqrar tiklenmesi içün telüke ola».

«Norman dörtü» dört devletinden üçniñ reberleri Rusiye prezidenti Vladimir Putinsiz körüşip, Ukraina şarqındaki vaziyetni ve zıddiyetni al etüv yollarını muzakere ettiler.

XS
SM
MD
LG