Avgust 25-ten itibaren Rusiye internet qullanıcıları «Vikipediya» online entsiklopediyasını açamazlar. Bunı qullanıcılar içtimaiy ağlarda bildireler, «Rus Vikipediyası» da bunı Twitterde tasdıqladı.
«Umumen vaziyet añlaşıla: qullanıcılarnıñ çoqusı sabağa qadar tolu versiyanı açamaz. Mobil versiyası çalışmağa devam ete, onıñ IP-adresi başqa», – dep yazdılar gece «Vikipediya» muarrirleri.
Malüm olğanı kibi, «Roskomnadzor» devlet organı bağ operatorlarına muracaatta bulunıp, rus tilli «Vikipediyada» narkotik ile bağlı malümatı olğan saifeni blok etmege talap etti.
«Vikipediyada» bildirgenlerine köre, malümatnı berüv protokolınıñ hususiyetlerine köre nezaret organınıñ qararı resursnıñ bütünley blok etilmesiniñ sebebi ola bile.
Avgust 20-de Roskomnadzor entsiklopediyada «Çaras» narkotik qarışması aqqında maqaleni silmege talap etti, çünki Astrahan vilâyetiniñ mahkemesi bu malümatnı yasaq etti. Entsiklopediya reberligi maqale ilmiy tilde yazılğanına esaslanıp, mezkür qararnı yerine ketirmedi.
