Link açıqlığı

Herson vilâyetiniñ Geniçesk rayonında avgust 24-te Ukraina mustaqillik künü munasebetinen avtoyürüş keçirildi. Geniçesk rayonı devlet memuriyetiniñ reis muavini Gülnara Bekirova Qırım.Aqiqatqa bildirdi ki, Herson vilâyetiniñ yerli meclisleri avtoyürüşniñ teşkil etilmesi ve keçirilmesinde faal iştirak ettiler.

Otuzdan ziyade maşina qırımtatar ve ukrain bayraqları ile Geniçesk rayonını dolaştı. Soñra avtoyürüş iştirakçileri Geniçeskte bayram tedbirleri keçirilgen yerge keçtiler.

«Bu bizim bayramımızdır. Can-yürekten Ukraina ile berabermiz», – dep ayttı Bekirova Qırım.Aqiqatqa.

«Bizler Ukrainağa qoltutamız! Qırımda yaşağan vatandaşlarımıznen bağ tutamız. Olar yañı akimiyetni zornen qabul eteler. Qıtağa çıqsalar, mında nefes almaq bile qolay olğanını aytalar. Qırım Ukraina terkibinde olacağına ümüt etemiz ve isteymiz», – dep qayd etti Novoalekseyevka qasabasındaki Meclisniñ yañı saylanğan reisi Veyser Sarıbelâlov Qırım.Aqiqatqa.

Yarmalıqta qırımtatar ustalarınıñ eserleri taqdim etildi, kontsertte ise qırımtatar icracıları çıqışta bulundılar.

XS
SM
MD
LG