Link açıqlığı

Saatnıñ esas haberi

Ukraina Mustaqillik kününi qayd ete


Bazarertesi künü, avgust 24-te, Ukrainada Mustaqillik kününi qayd eteler. 24-ünci doğğan kününde bütün memlekette tantanalı merasimler ötkerilecek.

Kiyevde saat 9-da Taras Şevçenko, Mihail Gruşevskiy eykellerine çeçekler qoyulacaq, İnstitutskaya soqağında Kök yüzü Qaramanlarını añacaqlar.

Bayram munasebetinen Hreşçatikte «Mustaqillik yürüşi» keçirilecek, mında Ukraina Silâlı quvetleri, Milliy gvardiya, Devlet sıñır hızmeti iştirak etecekler.

Bazarertesi künü Sofiya Kiyevskaya ve ukrain paytahtınıñ diger ibadethanelerinde añma merasimleri keçirilecek.

Kiyevniñ merkezinde kontsert keçirilecek, saat 16-da – Ukraina Mustaqillik kününe bağışlanğan gala-kontsert.

Mihaylovskaya meydanında «Halq hatırasınıñ duvarı» hatıra kompleksiniñ ekinci qısmı, sergiler, ustalarnıñ dersleri açılacaq.

Avgust 24-te er kesni ukrain milliy kölmegini kiyip, paradqa kelmege davet eteler.

Tünevin Ukrainada Milliy bayraq kününi qayd ettiler.

1991 senesi avgust 24-te Ukraina mustaqilligini ilân etti (o künge qadar memleket Ukrain Sovet Sotsialistik Cumhuriyeti olaraq SSCB terkibinde edi). 1991 senesi avgust 24-ke ait Ukrainanıñ mustaqilligi aqqında senet 1991 senesi dekabr 1-de umumhalq rey berüvi ile tasdıqlandı. 1992 senesi iyün ayında Yuqarı Rada Ukrainanıñ mustaqillik Künü avgust 24 ola dep qarar alğan soñ bu kün devlet bayramı oldı.

Ekinci sene Ukraina mustaqillik Künü Qırımda işğalden sebep qayd etilmey. Bu sene Aqmescitniñ şeer akimiyeti cemaat faallerine bir de bir tedbirni keçirmege yasaq etti.

XS
SM
MD
LG