Link açıqlığı

Jurnalistlerni qorçalav komiteti Hadica İsmaylovanıñ mahkemesini toqtatmağa çağırdı


Hadica İsmaylova

Jurnalistlerni qorçalav komiteti (KZJ) halqara uquq qorçalayıcı teşkilâtı Azerbaycan akimiyetini jurnalist Hadica İsmaylovanıñ mahkeme taqibini toqtatıp, onı azat etmege çağırdı.

KZJ Avropa ve Orta Asiya içün programmalarınıñ koordinatorı Nina Ognânovanıñ beyanatında Baku mahkemesi «uquq mısqılı» dep adlandırılğan.

Cuma künü, avgust 21-de, devlet qabaatlayıcısı Hadica İsmaylovanı 9 yılğa qadar azatlıqtan marum qaldırmağa çağırdı – onı iqtisadiy cinayetlerde qabaatlaylar.

Esnasta çetel elçihaneleriniñ yalıñız bir qaç vekili buluna.

Serbest jurnalist ve faallerni mahkeme zalına almaylar.

Radio Svoboda Azerbaycan hızmetiniñ hadimi İsmaylova ve halqara uquq qorçalayıcıları deyler ki, iş siyasiy sebeplerden açıldı – jurnalist Azerbaycan akimiyetiniñ habarcılıq areketleri, şu cümleden prezident İlham Aliyev ve onıñ qoranta azalarınıñ para masrafları aqqında yazğan edi.

Hadica İsmaylova jurnalistika saasında bir çoq halqara mukâfatqa nail olğan edi.

XS
SM
MD
LG