Çehiyanıñ paytahtı Praganıñ merkeziy meydanında cuma künü, avgust 21-le, 1968 senesi avgust 20-den 21-ge keçer gecesini hatırladılar – o vaqıt Sovetler Birligi ve Varşava añlaşmasınıñ memleketleri Çehoslovakiyanıñ paytahtına kirdiler; istilâ 20 yıllıq işğal sebebi oldı.
Çeh siyasetçisi Miroslav Kalousek o adiselerni hatırlap qayd etti ki, sovet ordularınıñ istilâsı memleketni ve onıñ vatandaşlarını liberalizatsiya yolu sayesinde yaşayışnı eyiliştirmek imkânlarından marum qaldırdı.
«Bizler işğalden sebep elâk olğan onlarnen ve biñlernen adamnı añamız, amma azatlıq nefesi pek qısqa ve onı tez-tez qapata bileler – azatlıqnı keri qaytarmaq içün çoq vaqıt kerek – bunı da añlamaq kerekmiz», – dedi siyasetçi.
İşğal yıllığını qayd etmek içün bir çoq ukrain bayraq ve vatanperver kölmekleri ile keldi. Sanada olar o vaqıttaki Sovetler Birligi ve bugünki Kreml arasındaki aynı çizgilerini qayd ete ediler.
Çehiyanıñ Avropa parlamentindeki deputatı Yaromir Ştetina da Ukrainağa qoltutqanını bildirdi.
«Vatslav Gavel bir vaqıtları Rusiyeniñ sıñır meselesi bar, dep aytqan edi. Bu sebepten o qayda bitkenini bilmey», – dedi o.
1968 senesi avgust 21-ge keçer gecesi 200 000 asker ve 5000 dane bronetehnika işğalge başladılar.
Soñki sovet askeri Çehoslovakiyanı 1991 senesi terk etken edi.
