Rusiyede ekstremist malümatları cedveline bir qaç malümat daa qoşuldı, şu cümleden – «Partizanlar areketiniñ temelleri» ses lektsiyası ve Ukrainadaki vaqialar ile bağlı resimler yerleşken internet-resursları.
Radio Svoboda bildire ki, ekstremist malümatları cedveline neonatsist ve ultramilletçilerniñ maqaleleri ve Muhammad Camil Zinunıñ «İslamskaya akida» kitabı da kirsetildi.
«Sova» uquq qorçalayıcı merkezi Rusiye Adalet nazirliginiñ resmiy saytına esaslanıp bildire ki, cedvelge yañı 12 noqta kirsetildi.
«Meduza» saytınıñ qayd etkenine köre, noqtalardan birinde Android içün bir qaç ilâve bar, bu programmalarnıñ hususiyetleri ya da işi aqqında aytılmay, faqat olarnı ekstremist dep tanıdılar.
Al-azırda Rusiyeniñ ekstremist malümatları Federal cedveli 2985 noqtadan ibaret.
