Link açıqlığı

Türkiye prezidenti vaqtından evel saylavlarnıñ keçirilmesini noyabr 1-ge belgilemege qarar aldı


Recep Tayip Erdoğan, arhiv fotoresimi

Türkiye prezidenti Recep Tayip Erdoğan bildirdi ki, vaqtından evel saylavlar noyabr 1-ge belgilenecek, çünki iyün ayında keçirilgen saylavlarda saylanğan parlamentte ükümet koalitsiyası qurulmadı.

Onıñ aytqanına köre, bazarertesi künü, avgust 24-te, ükümet şekillenmesi içün müddet yekünlengen soñ, o, parlament spikeri ile körüşecek.

Memlekette saylavlarğa qadar çalışacaq vaqtınca ükümet meydanğa ketirilmeli, – dedi Erdoğan.

Onıñ reisi baş nazir Ahmet Davutoğlu olacaq, dep aytalar.

Bu künleri Davutoğlu yañı ükümetni şekillendirmek ıntıluvlarından vazgeçti. Onıñ Adalet ve kalkınma partisi firqası 2002 senesinden berli ilk sefer parlament çoqluğını ğayıp etti, bu sebepten ükümet şekillenmesi içün koalitsiya ortaqlarına muhtac edi, lâkin diger firqalar ile añlaşıp olamadı.

XS
SM
MD
LG