Link açıqlığı

Ekspertler ukrain kütleviy haber vastalarında Qırım muarririyetleriniñ açılmasına qoltuta


Ukrain kütleviy haber vastalarında Qırım meseleleri boyunca muarrir vazifesi kirsetilse, işğal etilgen Qırımnıñ adise-vaqiaları da aydınlatılır edi. Bunıñ aqqında «Qırım meseleleri: añlayış, al etüv yolları, kelecegi» analitik esabatında aytıla. Esabat «Qırım evi» devlet müessisesi tarafından ekspertlerniñ soravı esasında azırlandı.

«Qırım meselesini aydınlatmaq içün Qırım muarririyeti ya da bir muarrir olmalı. Meselâ, «Ukrinform», UNİAN, meşur haber agentliklerinde Qırım muarrir ya da muarririyet terkibinde bölükniñ Qırım müdiri olmalı», – dep aytıla esabatta.

Böylece, ekspertlerniñ fikirince, Qırım vaqiaları er kün ukrain matbuat vastalarında aydınlatılır edi, çetel kütleviy haber vastaları da bu malümattan faydalanır ediler.

Malüm olğanı kibi, bu vaqıtqa qadar, Ukraina ükümeti kirsetken işğal etilgen yarımadağa kiriş qaidelerinden sebep çetel jurnalistleri anda kiremezler. Sentâbr ayından itibaren Ukraina haber siyaseti nazirligi çetel kütleviy haber vastaları içün bu qaidelerniñ qolaylaştırılmasını ilân etti.

2014 senesi mart ayında Qırım Rusiye tarafından işğal etilgen edi.

XS
SM
MD
LG