Link açıqlığı

Ukrainanıñ «Qırım evi» devlet müessisesi Qırımda medeniyet ve din meselelerini közete


«Qırım evi» devlet müessisesi Qırım yarımadasında medeniyet-din meselelerini nezaret etmekte. Bunı müessise müdiri Aleksey Skorik Qırım.Aqiqatqa bildirdi.

«Bizler Qırımda medeniyet, milliy mesele ve din ile bağlı meselelerni nezaret etemiz. Monitoring esabatları meraqlanğan devlet akimiyeti organlarına berilecek. Böyle bir meraq bar», – dedi o.

Onıñ aytqanına köre, monitoring daimiy olacaq. Birinci esabat avgust ayınıñ soñuna qadar azır olacaqtır.

«Qırım evi» devlet müessisesi 2014 senesi noyabr ayında Rusiyeniñ Qırım işğali neticesinde peyda olğan içtimaiy, gumanitar meselelerniñ al etilmesi içün meydanğa ketirilgen edi. «Qırım evi» memleket içinde köçip kelgenlerniñ vaziyetini ögrenip, devlet akimiyeti organlarına tevsiyede bulunacaq.

XS
SM
MD
LG