Rostov-na-Donu şeerindeki Ukraina konsulı Aleksandr Kovtunğa Rusiyede mahkeme etilgen ukrain uçucısı Nadejda Savçenko ile körüşmege ruhset berildi.
Bunı o avgust 21-de Rostovda jurnalistlerge ayttı, anda bugün mahkeme keçirildi, dep haber ete Qırım.Aqiqat mühbiri.
Konsulnıñ bildirgenine köre, o, Rostov vilâyetiniñ Donetsk mahkemesinden Ukraina mustaqillik Künü, avgust 24-te, Nadejda Savçenkonı ziyaret etmek iznini aldı.
Savçenko Rostov vilâyetiniñ Novoçerkassk SİZOsında buluna.
Berilgen malümatqa köre, ukrain arbiy uçucısınıñ işini Rostov vilâyeti Donetsk şeer mahkemesi baqacaq. Böyle bir qarar avgust 21-de Rostov vilâyetiniñ mahkemesi tarafından qabul etildi.
Nadejda Savçenkonı keçken sene Lugansk civarında eki jurnalistniñ öldürüvine alâqası olğanında qabaatlaylar. O, bütün qabaatlarını red etip, o vaqıt separatistler tarafından zapt etilgenini, soñra da Rusiyege yollanılğanını bildire.
