Link açıqlığı

Saatnıñ esas haberi

Aslan Ömer Kırımlı Ukraina ükümetinde Qırım meselelerinden vekâletli oldı


Aslan Ömer Kırımlı
Aslan Ömer Kırımlı

Aslan Ömer Kırımlı Qırım Muhtar Cumhuriyeti ve Aqyar meselelerinden ükümet vekâletlisi vazifesine tayin etildi.

Bunıñnen bağlı emir Ukraina ükümetiniñ saytında derc etildi, dep haber ete Qırım.Aqiqat.

Vesiqağa binaen, Kırımlı bu vazifege avgust 20-de tayinlengen.

Diger emirge köre, Ukrainanıñ Qırım meseleleri boyunca Devlet hızmetiniñ yolbaşçısı olaraq Nariman Ustayev tayin etildi, bundan evel bu vazifede Kırımlı bulunğan edi.

Malüm ki, Ukraina Nazirler şurası Qırım Muhtar Cumhuriyeti ve Aqyar meseleleri departamentini qapatıp, Qırım meselelerinden ükümet vekâletlisi vazifesini kirsetti.

2014 senesi mart ayında Rusiye Qırımnı işğal etken soñ Hersonda Ukraina prezidentiniñ Qırımdaki daimiy temsilciligi, Kiyevde yerleşken Ukraina Baş prokuraturası yanında Qırım Muhtar Cumhuriyetiniñ prokuraturası çalışa. Ukraina prezidenti yanında Qırımtatar halqı işlerinden vekâletlisiniñ ofisi açıldı, onıñ yolbaşçısı Mustafa Cemilev ola.

XS
SM
MD
LG