Cuma künü, avgust 21-de, Aqyarnıñ Qaraman mudafaa abidesi yanında 28 mektep talebesine Rusiye Federatsiyasınıñ pasportı berildi. Tedbirni avgust 22-de qayd etilgen Rusiye Devlet bayrağı Künü ile bağladılar.
«Bugün büyük bayramıñız bar – vatandaşlar olaraq çağına yettiñiz. Büyük bir devletniñ vatandaşı, onıñ emek ve cenkâver şan-şüretiniñ mirasçısı olğanıñıznı tasdıqlağan vesiqanı alasıñız. Sizler – Rusiye Federatsiyasınıñ vatandaşısıñız ve er şey bunıñnen añlaşıla», – dep aytıldı mektep talebelerine.
Rusiye Federatsiyası Devlet bayrağınıñ künü – 1994 senesi Rusiye Federatsiyası prezidentiniñ buyruğı ile belgilengen resmiy bayram ve avgust 22-de qayd etile. Bayram Rusiyeniñ canlanğan bayrağına – üç renkli devlet bayrağına – bağışlana.
Ukrainada Devlet bayrağınıñ künü avgust 23-te qayd etile. Ukraina prezidenti Petro Poroşenko memleketniñ sakinlerini bayram arfesinde devlet bayraqlarını ev ögünde asmağa çağıra.
