Tasil meseleleri Yekâne devlet elektron bazasınıñ malümatına binaen, 2015 senesi Ukrainanıñ aliy oquv yurtlarına Qırım ve Aqyardan 963 insan oqumağa kirdi.
Bunı Ukraina tasil nazirliginiñ matbuat hızmeti bildire.
Nazirlikniñ malümatına köre, Ukraina aliy oquv yurtlarında künlik ve ğıyabiy oquşqa mütehassıs ve bakalavr tasilini alacaq 207 Qırım sakini, mütehassıs ve magistr seviyesine 756 kişi qayd etildi.
Devlet bücetiniñ parasına 418 Qırım studenti oquycaq, 545 kişi şirket ve kerçek şahıslarnıñ parasına tasil alacaq.
Berilgen malümatqa köre, Ukrainanıñ aliy oquv yurtlarına bu sene 761 Qırım sakini qabul etildi.
Ukrain cemaat teşkilâtları qırımlı abituriyentlerge Ukraina tasil ve ilim nazirligine bücet yerlerini bergende imtiyaz berilmesi aqqında muracaatta bulunmağa teklif etecegini bildirgen ediler.
