Malümat resursı narkotik qarışmanıñ azırlaması aqqında malümatnı silmese, «Roskomnadzor» «Vikipediyanı» Rusiyede blok etmege vade ete. Bunı RİA Novosti Rusiye agentligi hızmetniñ matbuat hızmetine esaslanıp bildire.
Bunıñ kibi talaplarnıñ sebebi Astrahan vilâyeti Çernoyars rayon mahkemesiniñ 2015 senesi iyün 25-te Rusiyede narkotik qarışmalarnıñ azırlaması aqqında malümatnı tarqatmaq yasağı aqqında qararı oldı. Bunıñ aqqında malümat «Vikipediyanıñ» rus tilli versiyasında mevcut.
«Roskomnadzor» bildire ki, «Vikipediya» bu malümatlarnı silmese, hızmet bağ operatorlarına «Uquqqa qarşı malümat cedveli» mehanizmi vastasınen bu saife aqqında malümatnı yollamağa mecbur olacaq».
«Vikipediya» reberleriniñ qararına köre, internet-resurs HTTPS protokolı esasında çalışa, ayrı saifeler sıñırlanmaz, bütün resurs blok etilecek», – dep aytıla «Roskomnadzor» haberinde.
İyül ayında «Roskomnadzor» YouTube servisiniñ ayrı saifelerini müellif aqlarını bozğanlar cedveline qoştı, anda «Fizruk» ve «Çernobıl» Rusiye serialları yerleştirilgen edi.
